ننګرهار ولایت کې لس ورځنی قضائي سیمینار پای ته ورسېد
د پنجشنبې په ورځ (۹/۸/۱۴۴۴ هـ ق) نېټه د سترې محکمې د قضائي تعلیماتو عمومي ریاست لخوا د ننګرهار ولایت د محاکمو قضائي کارکوونکو ته جوړ شوی لس ورځنی سیمینار پای ته ورسېد.
په دغه قضائي سیمینار کې چې د روان ۱۴۴۴ هـ ق کال د شعبان میاشتې په لومړۍ نېټه پیل شو، د ننګرهار ولایت د محاکمو قضاتو، مفتیانو او محررینو ته د قضائي تعلیماتو د عمومي رئیس الحاج مولوي عبدالرحمن (غزنوي) صاحب، د یاد ریاست د مسلکي استادانو محترم شیخ صاحب جان صاحب، مفتي نصیب الله طیب صاحب، مفتي محمد صاحب او مفتي رازمحمد سباوون صاحب لخوا د قضاء مسلک کې عملي او نظري روزنه ورکړل شوه.
د دغه قضائي سیمینار په اختتامیه ناسته کې شیخ صاحب جان صاحب، د ننګرهار د محبس مسؤول، د تعلیمات قضائي عمومي رئیس او د ولایت مقام په استازیتوب مولوي خلیل الرحمن صاحب تفصیلي علمي ویناوې وکړې.
