د فراه د استیناف محکمې رئیس د دغه ولایت له مرکزي زندان څخه لیدنه وکړه

د یکشنبې په ورځ نېټه (۵ /۸ /۱۴۴۴) هجری قمري نېټه د فراه ولایت د مرافعه محکمې عمومي رئیس الحاج مولوي محمدګل (صیاد) د مرافعه محکمې د تحریراتو د آمر مولوي شفیع الله (مدثر) په ملتیا د جنوب غرب زون د تمیز عالي مقام او د سترې محکمې د قضائي معاونیت  د هدایت په اساس دفراه ولایت له مرکزي محبس څخه لیدنه وکړه.

په دې کتنه کې د استول شوي جدول په اساس لاندې اجراآت ترسره شول :

• هغه شپږ محبوسین ازاد شول چې د ازادولو حکم یې شوی وو.
• د (۱۳) محبوسینو په حبس کې تخفیف ورکول شو او یوه دوسیه د تمیز عالي مقام ته د ملاحظې لپاره وغوښتل شوه.
•  (۳) دوسیې مربوطه محکمې ته راجع شوې او د یوه بندي په حبس کې د عدم توبې او ندامت په خاطر یو کال حبس اضافه شو .