د پکتیا د مرافعه او ښاري محاکمو د کارکوونکو ترمنځ اداري ناسته ترسره شوه
د روان 1444هـ ق کال د اوومې میاشتې په 11مه نېټه د پکتیا ولایت د مرافعه محکمې عمومي رئیس الحاج مفتي عبیدالله (خالد) او د ښاري ابتدائیه محکمې رئیس له اداري، امنیتي او خدماتي کارکوونکو سره ناسته وکړه.
ناسته د قرآنکریم د مبارکو آیاتونو په تلاوت پیل شوه او د مرافعه محکمې عمومي رئیس د ناستې ګډونوالو ته ښه راغلاست وویل.
د مرافعه محکمې رئیس وویل، خپلې چارې د الله (جل جلاله) د رضا په خاطر په صحیح ډول ترسره کړئ، د اسلامي شرعیت په چوکاټ کې ژوند تېر کړئ، خپل اداري کارونه د عالیقدر امیرالمؤمنین حفظه الله د فرمانونو او د سترې محکمې لوړ مقام د هدایاتو سره سم ترسره کړئ.
د قرآنکریم او د رسول الله (صلی الله علیه وسلم) د احادیثو په رڼا کې یې د اسلامي نظام، د امیر د اطاعت، متقابل احترام، اخلاص او رښتینولۍ په هکله ګډونوالو ته اصلاحي ویناوې وکړې.
همدارنګه د محکمې د چاپیریال په پاک ساتلو او د محکمې او قضاتو د امنیت په ساتلو یې ټینګار وکړ.
په پای کې د پکتیا ولایت مرافعه او د ښاري ابتدائیه محکمې اداري، امنیتي او خدماتي کارکوونکو د مرافعه محکمې له رئیس څخه مننه وکړه.
ناسته د دعاء په ویلو پای ته ورسېده.
