د لغمان د استیناف محکمې رئیس له څلورو ابتدائیه محاکمو لیدنه وکړه
د لغمان ولایت د مرافعه محکمې رئیس مفتي عبدالله(فرقاني)صاحب د ۱۴۴۴هـ ق کال د رجب المرجب میاشتې په ۱۶مه،۱۷مه او۲۰مه نېټه د دغه ولایت د علینګار، علیشنګ، قرغهیي او دولت شاه ولسوالیو ته سفر وکړ او د یادو ولسوالیو د ابتدائیه محاکمو قضائي او اداري چارې یې له نږدې وکتلې.
د استیناف محکمې رئیس د یاد سفر عمده موخه له نږدې څخه د محاکمو د قضائي او اداري چارو نظارت، د یادو محاکمو د مشکلاتو تشخیص، په ټولو محاکمو کې د شفافیت لا ډېروالی او له مرافعه محکمې سره د ټولو ابتدائیه محاکمو د رابطې تقویه کول وو.
د استیناف محکمې رئیس د یادو ابتدائیه محاکمو له ټولو اجراآتو څخه لیدنه وکړه، د هغوی دحاضرۍ کتابونه یې وکتل، مسؤولینو او منسوبینو ته یې ټینګار وکړ چې حاضرۍ ته پابند اوسي.
د مرافعه محکمې رئیس ښاغلي مفتي عبدالله(فرقاني) د یادو ابتدائیه محاکمو مسؤولینو او کارکوونکو ته په خطاب وویل، همېشه خپلو دندو ته په خپل وخت حاضر شئ، په خپلو چارو کې له صداقت، ایمانداری او شفافیت څخه کار واخلئ او له مراجعینوسره نېک چلند وکړئ.
د یادونې وړ ده چې د استیناف محکمې رئیس پر یادو ابتدائیه محاکمو سربېره د لغمان ولایت له ښاري محکمې څخه هم لیدنه وکړه.
