د میدان وردګ ولایت د استیناف محکمې رئیس د دغه ولایت له مرکزي زندان څخه لیدنه وکړه
د میدان وردګ ولایت د استیناف محکمې د رئيس محترم مولوي عبدالکریم «حقاني» په مشرۍ د دغه ریاست یوه پلاوي د یاد ولایت له مرکزي زندان څخه لیدنه وکړه.
د استیناف محکمې رئیس او ورسره مل پلاوي په یاده لیدنه کې د زندان له مسؤولینو سره د بندیانو د بېلا بېلو موضوعاتو لکه د نیول کېدو نېټه، د مسؤولینو چلند، په محاکمو کې د هغوی دوسیو ته په وخت رسېدنه، بندي او محبس ته د محکمې له حکم څخه خبر ورکول، او په اړه یې باید بېرته اړوند محکمې ته ډاډ او اطمینان ورکړل شي، خبرې وکړې.
دغه راز یاد پلاوي د محبس مسؤولینو ته د زندانیانو د حقوقو په اړه لارښوونې وکړې او بندیانو ته يې په دې اړه ډاډ ورکړ چې ستاسو دوسیو ته به په وخت رسېدنه کیږي.
