د قضائي تفتیش د پلټنې پلاوي د غزني ولایت له محاکمو او مرکزي زندان څخه لیدنه وکړه

m_admin
پنجشنبه ۱۴۰۱/۹/۳ - ۱۱:۴۴
د قضائي تفتیش د پلټنې پلاوي د غزني ولایت له محاکمو او مرکزي زندان څخه لیدنه وکړه

د سترې محکمې د محترم مقام په اجازه د قضائي تفتیش ریاست د پلټنې د پلان له مخې د عمومي رئیس محترم مفتي محمدابراهیم جان(ابوالحافظ) په مشرۍ د یاد ریاست د قضائي مفتشینو څخه جوړ اووه کسیز پلاوي د 1444 هـ ق کال د ربیع الاول میاشتې په (27)مه نېټه غزني ولایت ته دعادي پلټنې په موخه سفر وکړ.

یاد پلاوي د سفر په پیل کې د غزني ولایت د مرافعه محکمې له رئیس محترم مولوي محی الدین (عمري) سره وکتل؛ ورپسي یې د خپل کاري پلان له مخې د ياد ولایت د (17) ولسوالیو له ابتدائیه شرعي محاکمو، د غزني ښار د ښاري محاکمو له ریاست او اړونده دېوانونو، نظامي محکمې او د استیناف اړوند دېوانونو څخه جلا، جلا لیدنه وکړه.

د دغه پلاوي د پلټنیز بهیر په ترڅ کې د یادو محاکمو د قضائي، اداري او مالي چارو هر اړخیزه پلټنه ترسره شوه چې د محاکمو د قضائي او اداري کارکوونکو د چلند او مسلکي اړخونو پوره جاج واخیستل شو او د چارو د سمون په برخه کې ورته لارښوونې وشوې.

پر دې سربېره یاد پلاوي د محاکمو اړوند شته ستونزې او لوژستیکي نیمګړتیاوې له ځان سره نوټ  کړې او د ستونزو د هواري، د خنډونو د له منځه وړلو او د نیمګړتیاوو د اکمال په اړه یې د غزني ولایت د مرافعه محکمې د ریاست له مقام سره تفاهمي ناسته ترسره کړه او ټول مشکلات یې په جلا، جلا توګه ورسره شریک کړل.

دغه راز د قضائي تفتیش پلاوي د بندیانو د وضعیت د څېړلو په موخه د غزني ولایت له مرکزي زندان څخه لیدنه وکړه او د یاد محبس اړوند شاوخوا (300) تنه نارینه او ښځینه بندیانو بشپړ شهرت او اړوند نور موضوعات یې له ځان سره نوټ کړل.

یاد پلاوي د خپل سفر په وروستۍ ورځ یو ځل بیا د غزني ولایت د مرافعه محکمې په مقر کې د استیناف له رئیس او د ښاري محکمې د دېوانونو له رئیسانو سره ګډه غونډه وکړه او د بندیانو ستونزې او شکایتونه یي ورسره شریک کړل.

د قضائي تفتیش د پلټنې پلاوي د 1444 هـ ق کال د ربیع الثاني میاشتې په اتمه نېټه خپل سفر پای ته ورساوه او د خپل سفر ټول پلټنیز اجراآت یي دبشپړ راپور په بڼه چمتو او د سترې محکمې محترم  مقام ته وړاندې کړل.

تازه ترین اخبار

چهارشنبه ۱۴۰۱/۹/۹ - ۱۰:۱۳
Background image

دیدار رئیس مرافعه از محکمه ابتدائیه ولسوالی چهارسده ولایت غور

به تاریخ ۱۴۴۴/۴/۱۷ الی۱۴۴۴/۴/۲۰ هـ ق محترم مولوی سخی الرحمن "فایز" رئیس عمومی محکمۀ مرافعه ولایت غور با همراهی سه نفر از همکاران خویش ازمحکمۀ ابتدائیه ولسوالی چهارسده ولایت غور بازدید. . .

سه‌شنبه ۱۴۰۱/۹/۸ - ۱۰:۵۲
Background image

مفتی صاحبان جدیدالتقرر در دیوان جزاء و دیوان تجارتی محکمۀ استیناف ولایت کندز معرفی شدند

اخیراً بر حسب لزوم دید مقام محترم عالی ستره محکمۀ امارت اسلامی افغانستان به خاطر بهبود امور قضائی و تکمیل نصاب قضائی محترمین هر یک مولوی تاج محمد فرزند میرمحمد به حیث مفتی دیوان جزاء. . .

یکشنبه ۱۴۰۱/۹/۶ - ۱۰:۲۰
Background image

بازدید از محبوسین زندان عمومی کیله‌گی ولایت بغلان

به تاریخ 7/4/1444 هـ ق تحت رهبری مولوی محمد موسی کلیم (عاصم) رئیس عمومی محکمۀ مرافعۀ ولایت بغلان به همراهی مولوی احمدالله "مبارک" معاون والی ولایت، مولوی محمد شعیب "عمری"  رئیس محکمۀ اب. . .

بازگشت به اخبار