د غزني زون د نظامي محکمې لپاره نوی رئیس معرفي شو
تېره پنجشنبه (۲۴/۳/۱۴۴۴ هـ ق) نېټه د سترې محکمې یوه پلاوي د غزني ولایت د غونډو په تالار کې د غزني زون د نظامي محکمې نوی رئیس (مولوي سیدآغا) او د یادې محکمې قاضي (مولوي عبدالغفار ابوجمیل) د دغه ولایت نظامي او ملکي منسوبینو ته ور معرفي کړل.
د سترې محکمې دغه پلاوي چې په تشکیل کې یې محترم مولوي عبدالباقی صاحب او محترم مفتي حیات الله (ثابت) صاحب موجود وو د غزني زون د نظامي محکمې د نوي رئیس او قاضي تر معرفي وروسته دوی ته په خپلو چارو کې د موفقیت غوښتنه وکړه.
دیادونې وړ ده چې له دې مخکې محترم مولوي سيدآغا د کابل زون د نظامي محکمې د رئیس او محترم مولوي عبدالغفار (ابوجمیل) د غزني زون د نظامي محکمې د رئیس په حیث دنده ترسره کوله.
