د زابل ولایت مرافعه محکمې د مسؤولينو په هڅو د قتل موضوع حل شوه
د زابل ولایت مرافعه محکمې د جزا دېوان رئيس مفتي عبدالودود (تائب) او قضائي غړو په ډېرو هڅو، د قومي مشرانو او مخورو په منځګړيتوب په ۸/ ۱۱/ ۱۴۴۶هـ ق نېټه د قتل موضوع حل او فصل شوه.
ياده موضوع د زابل ولايت په شاه جوی ولسوالۍ کې د دوو کورنيو ترمنځ يو نيم کال مخکې رامنځته شوې وه؛ چې د مرافعه محکمې جزا دېوان ته له راجع کېدو وروسته په غور او دقت وڅېړل شوه.
ورپسې د یاد دېوان قضائي غړو د موضوع جانبین سولې ته وهڅول، له ډېرو هڅو وروسته د مقتول کورنۍ سولې ته اماده شوه، دښمني يې په دوستۍ بدله شوه او موضوع يې رسماً پای ته ورسېده.
