د میدان وردګ ولايت مرافعه محکمې رئيس په مشرۍ د کارونو د شفافیت او چټکتیا په موخه غونډه وشوه
د ميدان وردګ ولايت د مرافعه محکمې رئيس محترم مفتي عبدالله (فرقاني) په مشرۍ؛ د محاکمو د قضائي او اداري غړو او کارکوونکو په ګډون د کارونو د شفافیت او چټکتیا په موخه په ۲۵/ ۱۰/ ۱۴۴۶هـ نېټه غونډه وشوه.
په دې غونډه کې د مرافعه محکمې رئيس د وخت د ارزښت او پابندۍ په اړه وینا وکړه او د بېځایه وخت ضایع کېدو د مخنیوي په اړه یې د غونډې ګډونوالو ته لازمې سپارښتنې وکړې.
نوموړي د دې لپاره چې د محاکمو کړنې تر پوښتنې لاندې رانشي او د خلکو کارونه په خپل وخت او شفاف ډول ترسره شي، د قضائي او اداري چارو په شفافیت او چټکتیا یې ټینګار وکړ.
دغه راز په دې غونډه کې د امارتي او شخصي ځمکو اړوند دعواوو د حل او فصل په موخه ځانګړی هر اړخیز بحث هم ترسره شو.
د غونډې په وروستيو کې ګډونوالو د کارونو د لا ښه ترتیب او تنظیم په موخه خپل نظرونه وړاندې کړل.
غونډه د دعا په ویلو پای ته ورسېده.
