د پکتيا ولايت محاکمو په یوه میاشت کې د (۶۱۲) دوسیو پر حل او فصل سربېره (۱۹۵) وثیقې هم اجرا کړې دي
د پکتيا ولايت مرافعه محکمې، د اسنادو او وثایقو د ثبت آمریت، ښاري ابتداٸيه محکمې، د پکتيا زون ابتدائيه نظامي محکمې او د ټولو ولسواليو ابتداٸيه محاکمو په يوه مياشت کې له ( ۱/ ۴/ ۱۴۴۵هـ ق نېټې څخه تر ۳۰/ ۴/ ۱۴۴۵ هـ ق) نېټې د (۶۱۲) دوسيو پر حل او فصل سربېره، (۱۹۵) وثيقې هم اجرا کړې دي، چې جزئيات يې په لاندې ډول دي.
په حقوقي برخه کې:
په تېره یوه میاشت کې (۲۸۰) حقوقي دوسیې محاکمو ته راجع شوې، په داسې حال کې چې مــخکې هم يو شمېر دوســیې مـوجودې وې.
له دې جملې څخه (۵۰) دوسیې مکتوبي مستردې شوې، د (۲۹۶) دوسیو په اړه قضائي قرارونه صادر شوي، (۸۶) دوسیې فیصله شوې او پاتې نورې تر کار لاندې دي.
په جزائي برخه کې:
په تېره یوه میاشت کې (۱۱۴) جزائي دوسیې محاکمو ته راجع شوې، په داسې حال کې چې مخکې هم يو شمېر دوسیې موجودې وې.
له دې جملې څخه (۲۰) دوسيې مکتوبي مستردې شوې، د (۹۷) دوسیو په اړه قضائي قرارونه صادر شوي، (۶۳) دوسیې فیصله شوې او پاتې دوسیې تر کار لاندې دي.
د وثيقو برخه کې:
د پکتيا ولايت محاکمو په يوه مياشت کې (۱۹۵) بېلا بېلې وثيقې هم اجرا کړې دي.
