د کابل ولایت د مرافعه محکمې رئیس د یو پلاوي په مشرۍ د وثایقو د ثبت آمریتونو او شهري ابتدائیه محاکمو څخه د څارنې په موخه لیدنه ترسره کړه
د ۱۴۴۴هـ ق کال د شوال المکرم د میاشتي په ۱۶مه د کابل ولایت مرافعه محکمې عمومي رئیس ښاغلي مولوي عبدالشکور "رشاد آخندزاده" صاحب په مشرۍ دوه کسیزه هیئت د کابل ښار د سندونو او وثیقو د ثبت د پنځه آمریتونو څخه څارنه ترسره کړه، چې د قضائي چارو کتنه ښاغلي آخندزاده صاحب او د اداري چارو کتنه یې د مرافعه محکمې د تحریراتو عمومي مدیر ښاغلي عنایت الرحمن "صافي " کوله .
د همدې میاشتي له ۱۷مې تر ۲۳مې پوري څلور کسیز پلاوي د دې ولایت د شهري څلورو زونونو، ابتدائيه محاکمو او تجارتي ابتدائیه محکمې اداري او قضائي چاري وڅېړلې، چې قضائي چاري یې د ښاغلي رشاد آخندزاده صاحب په مشرۍ د مرافعه محکمې تجارتي دېوان رئیس مولوي عبدالله "اسرار"، مولوي محمد نعیم، د مرافعه محکمې نظامي منسوبینو او د استینافي دېوان عضو مفتي په ګدون وڅېړل شوې او اداري چاري د ښاغلي صافي په واسطه وڅېړل شوې.
یاد پلاوي و یادو آمریتونو او محکمو ته په ورتګ سره د سندونو او وثیقو د ثبت په هر یوه آمریت کې د وثیقو د ثبتولو کتابونه ، ترسره شوي وثیقې او اداري کتابونه ته په کتو سره نیمګړتیاوي په ګوته او مسئولینو ته یې د اصلاح لپاره جدي هدایات وکړل شول او کوم آمریتونه چې ور سپارل شوي مسئولیتونه په ښه توګه ترسره کړي وه د ښاغلي آخندزاده صاحب لخوا وستایل شول.
همدا راز ټولو شهري ابتدائيه محاکمو ته په ورتګ سره د هر یو زون د دېوانو یوه یوه دوسیه او اداري کتابونه وکتل شول، په قضائي او اداري اجراآتو کې د موجوده نیمګړتیاوو په حلېدو کې بشپړې لارښوونې وشوې.
په پای کې د څلورو زونونو اود تجارتي ابتدائیه محاکمو عمومي رئیس صاحبانو ته هدایت وشو، چې د خپلو لاس لاندې مسلکي او اداري کارمندانو د اجراآتو په لا ښه کولو کې پوره هڅه وکړي او کومې ستونزې چې په ابتدائیه محاکمو کې د حلېدو نه وي، نو ژر تر ژره دې موضوع د مرافعه محکمې مشرتابه سره شریکوي.
