د پکتیکا د مرافعه محکمې رئیس د دغه ولایت له ښاري ابتدائیه محکمې لیدنه وکړه
د پکتیکا ولایت د مرافعه محکمې رئیس محترم الحاج مفتي عبیدالله «خالد» په (۲۶ /۹ /۱۴۴۴هـ ق) نېټه د یاد ولایت له ښاري ابتدائیه محکمې څخه لیدنه وکړه.
د مرافعه محکمې رئیس په یاده لیدنه کې چې د تحریراتو عمومي آمر احسان الله«احمدي» یې ملتیا کوله د ښاري محکمې د رئیس، د دېوانونو د رئیسانو او ټولو قضائي او اداري کارکوونکو سره ولیدل.
الحاج مفتي عبیدالله «خالد» د یادې محکمې قضاتو ته د مشرتابه مقام د فرامینو او د سترې محکمې د متحدالمآلونو د عملي کولو، د تقوا، حاضرۍ ته په پابندۍ او د قضاء اړوند کارونو کې د اخلاص او صداقت په اړه لازمې سپارښتنې وکړې.
ورپسې د ناستې ګډونوالو په نوبت د کارونو د لاښه تنظیم، ستونزو او مشکلاتو ته په وخت د رسېدنې په اړه خبرې وکړې.
هغه ستونزې او مشکلات چې په ناسته کې بیان شول، الحمدلله ترډېره ورته رسېدنه وشوه.
