بامیان ولایت کې دوو مجرمینو ته تعزیري سزا ورکړل شوه
پرون د شنبې په ورځ (۲۸ /۶ /۱۴۴۴ هـ ق) نېټه د بامیان ولایت د ښاري محکمې لخوا دوو مجرمینو ته د غلا د جرم په وجه تعزیري سزا ورکړل شوه.
د یادو دوو مجرمینو چې په جلا، جلا پېښو کې د غلا په جرم نیول شوي وو او له زور او جبر پرته یې په خپلو جرمونو اعتراف او اقرار درلود؛ دوسیې د ښاري ابتدائیه محکمې د جزاء دېوان لخوا څېړل شوې وې.
مجرمینو ته د تعزیري سزا د تطبیق په مناسبت جوړه شوې غونډه کې د بامیان ولایت د محاکمو او نورو ولایتي ادارو پر مسؤولینو سربېره عامو خلکو هم ګډون درلود.
دغه ناستې ته چې د قرانکریم د مبارکو ایاتونو په تلاوت پیل شوه، د دیني عالمانو او مسؤولینو لخوا اصلاحي بیانونه وشول، ورپسې د مجرمینو د دوسیو خلاصه بیان شوه او مجرمینو ته تعزیري سزا تطبیق شوه.
ناسته د دعاء په ویلو پای ته ورسېده.
