سترې محکمې د عالي شورا د غونډې خبرد غوايي ۳۰مه

humaira
چهارشنبه ۱۳۹۹/۲/۳۱ - ۸:۲۶
شور

د سترې محکمې عالي شورا نن تر غرمې وړاندې د سترې محکمې د رییس او قاضي القضات قانونپوه سیدیوسف حلیم په مشرۍ غونډه ترسره کړه. 

لومړی د قضایه قوې عمومي اداري آمریت ته لارښونه وشوه چې د قانون د حاکمیت او له اداري فساد سره د مبارزې عالي شورا د وروستیو مصوبات چې د قضائیه قوې په اړوند دي په دقیقه توګه تعقیب او ددغه شورا د ۶مه ګڼه غونډې د مصوبې له مخې، د ۱۳۹۹ – ۱۴۰۰ کلونو لپاره د سترې محکمې، لومړیتوب لرونکې برنامې وروستۍ او د ټاکل شوي نیټې تر تیریدو وړاندې، باید اړونده مرجع ته واستول شي. 

ورپسې د سترې محکمې عالي شورا د مخکنیۍ مصوبې په پام کې نیولو، چې په قانون کې د تعدیل له لارې د قانوني ستونزو تر له منځه وړلو پورې د انلاین محاکمې د طرزالعمل د تصویب پر بنا و، په پام کې نیولو سره – د انلاین یا له لیرې د محاکمې او له دې سیستم څخه د استفادې په اړه د جامع طرحې په اړه چې د تدقیق او مطالعاتو د ریاست له لوري يې طرح یې چمتو شوې وه، د کویډ۱۹ ناروغۍ له کبله رامنځته شوي وضعیت ته په کتو، په اړه یې بحث وشو د طرحې د لا بډایه کیدو په موخه په دې اړوند بحث د عالي شورا بلې غونډې ته موکول او دغه شان د تدقیق او مطالعاتو ریاست ته دنده وسپارل شوه چې اړونده قانوني تعدیلات د وروستیو قانوني مراحلو لپاره چمتو کړي. 

وروسته په داسې حال کې چې د لویه څارنوالۍ د قضايي تعقیب مرستیال دوکتور غلام حیدرعلامه هم حضور درلود، په جزايي مسایلو فریبکارۍ، اختلاس او انسان تښتونې کې یو شمیر د محکومینو د تجدیدنظر غوښتنې، د جزایي اجرااتو قانون د ۲۸۲ مادې په رڼا کې، تر رسیده‌ګۍ لاندې ونیول شوې او په اړوند یې لازم تصامیم ونیول شول. 

دغه شان په غونډه کې د بهرنیو چارو وزارت د قونسلي چارو ریاست له لوري یو لړ راغلي استهداات چې په قونسلګریو کې د اړونده وثیقو د ترتیب په اړه د معرفت د شهودو د حضور او نه حضور په اړه او دغه شان د سترې محکمې د تدقیق او مطالعاتو ریاست استهدایه چې د یوې جزایي دوسیې د صلاحیت د تنازع په اړه وه- او یو شمیر د قضاتو د قضايي کادر اړونده مسایل او قضايي سرغړونې تر رسیده‌ګۍ لاندې ونیول شول او په اړه یې وروستي تصمیمونه ونیول شول. 

په دې سربیره، د لویه څارنوالۍ په غوښتنه د (۵۶) ټوکه دوسیو د رسیده‌ګۍ واک د غور، پکتیا، بغلان، فراه، پکتیکا، لغمان، نیمروز، کاپيسا، خوست، بدخشان او ارزګان ولایتونو ته ورکړل شو

تازه خبرونه

چهارشنبه ۱۳۹۹/۱/۲۷ - ۸:۵۲
Background image

سترې محکمې د عالي شورا خبر د وري۲۶مه، ۱۳۹۹

د سترې محکمې عالي شورا سه شنبه تر غرمې وړاندې د سترې محکمې د رییس او قاضي القضات، قانونپوه سیدیوسف حلیم تر مشرۍ لاندې غونډه ترسره کړه.
په غونډه کې لومړی د عالي شورا د پخوانۍ مصوبې او د. . .

دوشنبه ۱۳۹۸/۱۲/۱۲ - ۱۴:۲۵
Background image

ملت ته د حساب ورکولو په برنامه کی د ستری محکمی د فعالیتونو رپوټ

دوشنبه، د ۱۳۹۸ کال د کب ۱۲مه
د سترې محکمې په دېوانونو، استیناف او لومړنیو محکمو کې څه باندې ۱۰۶ زره دوسیې حل او فصل شوې دي
کابل، افغانستان: د سترې محکمې عالي شورا په ۱۳۹۸ مالي کال کې د. . .

جمعه ۱۳۹۷/۱۲/۲۴ - ۲۰:۳۳
Background image

د ښځو په وړاندی د تاوتریخوالی قضیی د افغانستان قضاوت ویاند

په تېرو څلورو کلونو کې د ښځو پر وړاندې د تاوتريخوالي 7200 څخه زياتو قضيو پام کې نيول شوی

کابل، افغانستان: له 7246 اوس د ښځو، چې په لومړنیو محکمو، استيناف او غوښتنې پر وړاندې د. . .

بیا په خبرونو کی