د سترې محکمې عالي شورا سه شنبه 1399/1/5

humaira
چهارشنبه ۱۳۹۹/۱/۶ - ۹:۴۵
شورا

د سترې محکمې عالي شورا سه شنبه 1399/1/5 تر غرمې وړاندې د سترې محکمې د رییس او قاضي القضات قانون‌پوه سیدیوسف حلیم په مشرۍ خپله غونډه ترسره کړه.

شورا لومړی له کوید۱۹ ویروس سره د مبارزې په برخه کې د وقایوي تدابیرو د ترسره کیدو په موخه، د سترې محکمې عمومي اداري آمریت ته لارښونه وکړه چې د عامه روغتیا وزارت توصیې، لکه څنګه چې د جمهوري ریاست عالي مقام لارښونه کړې ده، په جدي توګه په پام کې ونیسي او د اړینو تدابیرو د نیول کیدو ترڅنګ، د قضايي او اداري منسوبینو له لوري د هغو د رعایتولو څرنګوالی هم په جدي توګه وڅاري.

ورپسې د ۱۳۹۸ کال د سترې محکمې د عالي شورا د کړنو او فعالیتونو راپور وارزول شو. عالي شورا په تیر کال کې ټولټال د ۶۳ عادي او فوق العاده غونډو په تدویر سره چې په دغو جلساتو کې په فساد باندې د ککړو شپږو تنو قاضیانو محاکماتي پروسه د اساسي قاناون د ۱۳۳ مادې له حکم سره سم بشپړه او دغه شان ۶۷ تنه قاضیانو ته د وظیفوي سرغړونو په تشخیص سره لازمې تادیبي جزاګانې تجویز شوې دي. دغه شان د محاکمو د حوزوي او موضوعي صلاحیتونو د تنازع مسایلو ته په رسیده‌ګۍ سره، د قضايي او غیرقضايي مراجعو د استهدااتو، د مجرمینو د استرداد اړونده وړاندیزونو، د درې ګونو محاکمو په پریکړونو باندې د تجدیدنظر غوښتنو او په مدني او جزايي برخو کې د محکمو د تبدیلۍ د غوښتنلیکونو سره، ټولټال ۲۹۶ قضایي قرارونه، ۹۶۸ تصویبونه او ۴۸۲ یاداشتونه د عالي شورا له لوري د تعمیل او پلیتابه په موخه اړونده مراجعو ته صادر شوي دي.

 ورپسې له اجنډا سره سم، د کورنیو چارو وزارت، د سیمه‌ییزو ارګانونو خپلواکې ادارې، د دولت د قضایاوو عمومي ریاست او د بګرام  استیناف محکمې را رسیدلي استهداات د مشروط خوشي کیدلو په اړه، د شرعي ترکه‌خطونو د محصول د تحویلۍ په اړه د قانونوي سندونو د شتون څرنګوالی، د سرې میاشتې جایدادونه چې ایا دولتي ګڼل کیږي کنه او په جزا کود کې د بانډیټیزم د جرمي وصف په اړه نه صراحت موضوعات، د شورا له لوري وڅیړل شول او مستهدي مراجعو ته د قوانینو په د حکمونو په رڼا کې لارښونې ترسره شوې.

د اقتضايي تفتیش د راپورونو پر بنسټ، د میدان وردګ، لغمان او کندوز ولایتونو د استیناف محاکمو ننه تنو قاضیانو ته چې په خپلو اړونده اجرااتو کې یې لازم قانوني تقییدات په پام کې نه و نیولې، لازمې تادیبي جزاګانې تجویز شوې.

 د غونډې په ترڅ کې د ثلاثه محاکمو پر پریکړو د یو لړ تجدید نظرونو، په مدني او جزايي مسایلو کې د محکمو د تبدیلۍ په غوښتن‌لیکونو او د قاضیانو ذاتي مسائل هم تر څیړنې او رسیده‌ګۍ لاندې او په اړوند یې لازم تصامیم ونیول شول. دغه شان د لویه څارنوالۍ په غوښتنه د نیمروز، هرات، بدخشان، هلمند، بادغیس، ننګرهار، خوست، پکتیکار، سرپل او فاریاب ولایتونو د استیناف محکمو ته د ۶۰ ټوکه جزايي دوسیو د رسیده‌ګۍ واک ور تفویض کړل شو. 

تازه خبرونه

دوشنبه ۱۳۹۸/۱۲/۱۲ - ۱۴:۲۵
Background image

ملت ته د حساب ورکولو په برنامه کی د ستری محکمی د فعالیتونو رپوټ

دوشنبه، د ۱۳۹۸ کال د کب ۱۲مه
د سترې محکمې په دېوانونو، استیناف او لومړنیو محکمو کې څه باندې ۱۰۶ زره دوسیې حل او فصل شوې دي
کابل، افغانستان: د سترې محکمې عالي شورا په ۱۳۹۸ مالي کال کې د. . .

جمعه ۱۳۹۷/۱۲/۲۴ - ۲۰:۳۳
Background image

د ښځو په وړاندی د تاوتریخوالی قضیی د افغانستان قضاوت ویاند

په تېرو څلورو کلونو کې د ښځو پر وړاندې د تاوتريخوالي 7200 څخه زياتو قضيو پام کې نيول شوی

کابل، افغانستان: له 7246 اوس د ښځو، چې په لومړنیو محکمو، استيناف او غوښتنې پر وړاندې د. . .

دوشنبه ۱۳۹۷/۱۲/۱۳ - ۲۰:۲۲
Background image

د عالي سترې محکمې ناسته د عالي شورا راپور

لومړی شورا کې د جعلي، نفاق په تړاو،  او د حق د السوهنې د  ملکیت چې د پلټنې په عادي او احتمالي او یا د ملاحظاتو چارواکو زیرمتونونه او يا د پایلو پلورل د کتنې په ترڅ کې د اسنادو  کشف او. . .

بیا په خبرونو کی