له درنو جرمونو سره د مبارزې د رسیدهګۍ استیناف محکمې، د پښتني بانک پخوانی مشر او د هغه جرمي شریکوالان د اختلاس په تور په مجازاتو محکوم کړل
په هغه قضايي ناسته کې چې د روان کال د غبرګولې په ۳مه نیټه د عادلانه محاکمې د اصولو په رعایت سره تدویر شوې وه، د پښتني بانک پخوانی رییس حیات الله دیاني د همایت الله د زوی، د د ۹۰۰۰۰۰ نهه سوه زره امریکايي ډالرو د اختلاس تور ورباندې پورې و، د قضيې د فاعل په توګه او هر یو عبدالهادی د عبدالکریم زوی د نماینده ګۍ مدیر او پښتني بانک د کریډیت د کمیټې غړی، نصیر احمد د عزیزاحمد زوی د پښتني بانک د کریډیټ د کمیټې پخوانی مالي او اداري آمر او دل اقا د خان محمد زوی د پښتني بانک د محاسبې مدیر- د جرمي شریکوالانو په توګه د دواړو لوریو په حضور، د جزا قانون د ۲۶۸ مې مادې او د جزا کود د (۱۷-۵۷ او ۵۸) مادو په مراعت، هر یو پنځه کاله او یوه میاشت تنفیذي حبس او د جزا کود د ۳۹۸مادې له هدایت سره سم، د ۹۰۰۰۰۰ نه سوه زره امریکايي ډالرو په رد باندې علی السویه په مجازاتو محکوم او اصدار حکم وشو.
