د بشری منابعو ریاست

د بشري سرچینو ریاست د ستری محکمی د مرکزي ادارو له ډلې څخه دې چی په ځانګړې توګه خپلې دندې د قضایي قوی د اداري او قضایې منسوبینو د ستونزو د حل په برخه کی سرته رسوي.

د سترې محکمی د روان (۱۳۹۵) کال د ریفورم او اصلاحاتو د نوي بهیر د پیل په پام کی نیولو سره د سترې محکمی په بخشونو کې د اصلاحاتو د پروژی د پلي کولو او تطبیق په برخه کې د دې ریاست دندی بنسټیزه او ارزښتمندی دي. او باید د قضایي قوی په واړه اداري بخشونو کی د ازادو سیالو له لاری د کدرونو د ځای پر ځای کولو د چټکتیا په عملیه او همدا راز د اصلاحاتو په رامنځته کولو کې د دندو  نافذی مقرری او کړنلاری تطبیق او عملي کړي. 

 بناوی کولای شی چه عمده دندی په لاندې ډول تشریح کړي.

  • د بشري سرچینو عمومی ریاست مسوولیت لري ترڅو د محکمو او سترې محکمی د نورو ادارو  په کچه  کادري وضعیت او د قاضیانو ځای په ځای کول، او دهغوی د اغیزمنتیا څرنګوالۍ تحلیل کړی او وارزوي، او پدی اړه خپل ځانکړي پیشنهادونه ستری محکمی ته واستوي.
  • د نوي ګمارل شوو قاضیانو د قضایی انسلاک اړوند پیشنهاد، د قاضیانو د کادري درجی د اعطا اړوند پیشنهادونه,او ټول ذاتي پیشنهادونه د اړونده کمیسیونو د لاری چمتو او د ستری محکمې د عالي شورای د تصویب څخه ورسته د منظورۍ لپاره د جمهوري ریاست عالی مقام ته استول کیږي.
  • د قاضیانو او اداري منسوبینو د ګمارنې دوسیی او سوانح په دقت سره ترتیب او تنظیموي، د نوبتی ترفیعاتو او تقاعد د اجرآ، د منسوبینو د خدمت د تمدید او د تقاعد د رفعی په اړه وخت په وخت د ټاکلي کمیسیون له لارې  اقدام کوي.
  • د اړتیا په صورت کی د ستری محکمې د هدایاتو پر اساس با اختیاره کمیسیون تعیینات ایجادوي او د هغې له لاری د اداري او قضایی منسوبینو ټاکنه سرته رسوي.
  • د ثبات قایمولو او کادري توازن ته پآملرنه کوي، د قضایي تعلیماتو د ریاست سره په همکاري  د مسلکي پوهی د مختلفو لند مهاله کورسونو، قضایي ټریننګونو او قضایي ستاژ ته د قاضیانو په معرفي کولو کی هر اړخیزه همکاري او همغږي لري.
  • په ټولو حالاتو کی د لا زیات کادري نظم او ثبات لپاره د جمهوري ریاست د عالي مقام او د ستری محکمې د مقام امرونه او هدایات که مستقیم وی او یا هم د  اقتضایي تفتیش په پایلو کی د منسوبینو د مکافاتو او مجازاتو په اړه ( د عزل په شمول)  صادريږي تطبیق او پلي کوي.

د حاضری د اصولو د رعایتولو څارنه کوي د لا غوره کاري نظم د تامینولو لپاره هڅي کوي.

د ستری محکمی د بشري سرچینو ریاست د اړونده چارو په سرته رسونه کې د ټولو نافذو قوانینو، فرمانونو او د هغی د ډلی څخه د کار او محکمو د تشکیل او صلاحیتونو قانون د ځان لپاره معیار ګرځولۍ او خپلې دندي د هغي سره سمی تنظیموي او په کادري برخه کی د یادو قوانیون څخه بی د بلا انحرافه اجراآتو لپاره د قضایه قوې د عمومي امریت او د ستری محکمی د عالي مقام پر وړاندی مستقیم مسوولیت لري.