د سترې محکمې عالي شورا د غونډې خبرپاڼه ۱۳۹۹ د لړم ۲۷مه

humaira
Tue, Nov 17 2020 2:59 PM
j

 

د سترې محکمې عالي شورا نن تر غرمې مخکې د سترې محکمې د رییس او قاضي القضات قانونپوه سیدیوسف حلیم په مشرۍ غونډه ترسره کړه.

لومړی د جزایي مسولیت مخففه حالات او قانوني معاذیر چې تحقق یې د معافیت، د جزا د کمښت او یا له جزا څخه د تبرئې لامل کیږي، بحث او خبرې وشوې او د جزا کود د ۲۱۲ او ۲۱۳ مادو د فقرو په رڼا کې د هیواد محاکمو ته ټینګار وشو چې له دغو معاذیرو څخه ګټه اخیستل د اړوندو مادو د فقرو تر سالم رعایت پورې اړه لري او محاکم مکلف دي چې له دغو معاذیرو څخه د استفادې حالات د خپل حکم د دلایلو په اسبابو کې روښانه بیان کړي.

ورپسې په رارسیدلو استهدااتو سربیره، د قضایای دولت عمومي ریاست د استهدایې په اړه چې د مدعی بها د دولتي والي په اړه د حقوقي او قانوني مشکلاتو په اړه چې د مدعا بها د دولتی والی او استرداد له قرارونو څخه د راپورته شویو ستونزو په اړه، د حقیقي اشخاصو له لوری د بنسټیزو اسنادو د نه ارایې پرمهال، چې د قضایای دولت د قانون د ۸مې مادې د پنځمې فقرې د تعدیل شوي حکم پر مبنی صادریږي، د نافذه قوانینو په رڼا کې، په ځانګړې توګه د ځمکوالۍ چارو د تنظیم له قانون سره سمې لازمې لارښونې ترسره او دغه شان د وزیرانو د خاصې محکمې استهدائیه، د خاصو محکمو د واکونو او تشکیل په قانون کې د وزیرانو دوسیو ته په رسیده ګۍ کې، له غیابي احکامو څخه د استفادې د عدم تسجیل په اړه، روښانه شوه چې غیابي احکام صادرول یوه عامه قاعده ده په خاص قانون کې د نشتون په صورت کې، د جزایي اجرااتو قانون له ۲۰۰ تر ۲۰۹ مادو او ۲۰۱۹ مادو له مندرجو حکمونو څخه ګټه اخیستل کوم مانع نه لري.

ورپسې د فراه او کاپیسا ولایتونو د استیناف محکمو د عادي او اقتضایي تفتیشونو د راپورونو له مخې، ددغو محکمو ۱۱ تنو قاضیانو ته د دوی د وظیفوي تیروتنو له تشخیص وروسته د قاضیانو قضایي تیروتنو ته د رسیده ګۍ د طرز د مقررې له حکمونو سره سم، لازمې تادیبي جزاګانې ورکړل شوې.

د غونډې په دوام، په داسې حال کې چې ډګرجنرال عبدالفتاح عزیزي په نظامي چارو کې د لویه څارنوالۍ مرستیال، اړونده څارنوالان، د یو شمیر محکومینو خپلوان او مدافع وکیلان هم شته وو، پر نهایي او قطعي پریکړو باندې د نهه تنو جزایي محکومینو د تجدیدنظر غوښتنې چې د فریبکارۍ، شکنجه، قتل، جنسي تجاوز او بر عفت باندې تجاوزونو ته شاملې وې، د جزایي اجرااتو قانون د ۴۸۲ مادې، مندرجه شرایطو ته په کتو، د هر مورد په اړه لازم تصامیم ونیول شول.

په دې سربیره د یو شمیر جزایي قضیو د د محکمو تبدیلۍ او د جزایی اجرااتو له قانون سره سم یو شمیر جزایي دوسیو ته رسیده ګي هم د اجنډا برخه وه چې د هر مورد په اړه لازم تصامیم ونیول شول.

Latest news

Sun, Nov 10 2019 10:47 AM
Background image

گزارش برنامه آموزشی مدیریت تغییر و فرهنگ سازمانی

 

 گزارش برنامه آموزشی مدیریت تغییر و فرهنگ سازمانی مطابق پلان سال 1398 ریاست ارتقأ ظرفیت و ارزیابی اجراآت برای کارمندان ارشد ریاست های منابع بشری، استخدام و سوانح ، ارتقأ ظرفیت و. . .

Fri, Mar 15 2019 8:33 PM
Background image

Afghan Judiciary spokesman conference for violence cases against women

Over the past four years, more than 7,200 cases of violence against women have been received . . .

Mon, Mar 04 2019 8:22 PM
Background image

Report of Supreme Court high council meeting

In addition to the Supreme Court, the Supreme Court met on Saturday 11th of 1397, under the chairmanship of the Supreme Court head of the Sejd Yusuf Haleim, and convened a series of. . .

BACK TO NEWS