سترې محکمې د عالي شورا خبرپاڼه د وږي میاشت۱۱مه، ۱۳۹۹

alisina
Tue, Sep 01 2020 3:13 PM
1

 

نن تر غرمې وړاندې د سترې محکمې د عالي شورا اونیزه غونډه د سترې محکمې د مشر او قاضي القضات قانونپوه سیدیوسف حلیم په مشرۍ جوړه شوه.

د غونډې په پيل کې د قضايي تعلیماتو رییس دوکتور عبدالله عطایي، د قضايي ستاژ د یو دیرشمې دورې د ازموینې د پایته رسیدو په اړوند راپور وړاندې کړ. د راپور له مخې، په دغه پروسه کې ټولټال ۶۰۳ نارینه او ښځینه کسانو ګډون کړی و چې د تحریري ازموینې له مخې د تر ټولو لوړو نومرو په پایله کې غوره شوی وو، او د ازموینې پروسه د دولتي او نړیوالو بنسټونو د واکمنو استازو څخه د جوړې شوې څار د کمییټې له لوري څارل کیدله. ټاکل شوې ده چې د اړتیا وړ کسان به د دوی له ډلې د ترټولو لوړترینو نومرو په ترلاسه کولو سره د اړونده طرزالعمل په رعایت، د یودیرشم قضايي ستاژ لپاره جذب شي.

عالي شورا د راپور په اوریدو سره د چارو د تنظیم، د پایلو د اعلان او د ورپسې ګامونو د اوچتولو په اړه لازمې لارښونې اړونده مسوولینو ته وکړې.

ورپسې د کابل او بدخشان ولایتونو د استیناف محکمو له خوا د رارسیدلو استهدااتو په رابطه چې له میعاد پرته په تجارتي او مدني قضیو کې د ماشومانو د تجدیدنظرغوښټنې په اړه، د ماشومانو د سرپرستۍ د ټاکلو په اړه د دواکمنه محکمې تشخیص او د بانک تر تضمین لاندې د یو جایداد د نه پلورلو غوښتنه او د یاد جایداد له منافعو څخه د پور د ترلاسه کولو وړاندیز تر څیړنې او غور لاندې ونیول شول او د نافذه قوانینو په رڼا کې د هر یو په اړه لازمې لارښونې ترسره شوې.

د غونډې په دوام کې یو شمیر د جزایي دوسیو محکمو د تبدیلۍ غوښتنې هم رارسیدلې وې چې تر څيړنې لاندې ونیول شوې او د لویه څارنوالۍ په غوښتنه، د قضايي رسیده ګۍ واک یې د لغمان او نیمروز ولایتونو استیناف محکمو ته تفویض کړل شو.

Latest news

Sun, Nov 10 2019 10:47 AM
Background image

گزارش برنامه آموزشی مدیریت تغییر و فرهنگ سازمانی

 

 گزارش برنامه آموزشی مدیریت تغییر و فرهنگ سازمانی مطابق پلان سال 1398 ریاست ارتقأ ظرفیت و ارزیابی اجراآت برای کارمندان ارشد ریاست های منابع بشری، استخدام و سوانح ، ارتقأ ظرفیت و. . .

Fri, Mar 15 2019 8:33 PM
Background image

Afghan Judiciary spokesman conference for violence cases against women

Over the past four years, more than 7,200 cases of violence against women have been received . . .

Mon, Mar 04 2019 8:22 PM
Background image

Report of Supreme Court high council meeting

In addition to the Supreme Court, the Supreme Court met on Saturday 11th of 1397, under the chairmanship of the Supreme Court head of the Sejd Yusuf Haleim, and convened a series of. . .

BACK TO NEWS