د سترې محکمې عالي شورا د غونډې خبرپاڼه ۱۳۹۹، د اسد ۷مه

alisina
Tue, Jul 28 2020 3:41 PM
1234564

 

د سترې محکمې عالي شورا، نن تر غرمې وړاندې د سترې محکمې د رییس او قاضي القضات قانونپوه سیدیوسف حلیم په مشرۍ خپله اونیزه غونډه ترسره کړه.

عالي شورا د غونډې له اجنډا سره سم، لومړی د قضايي تعلیماتو رییس د ۳۱مې دورې د قضايي ستاژ د ۶۰۳ تنو متقاضیانو د تقریري ازموینې په اړه، د دغه ریاست د تیاریو په اړه چې ټاکل شوې د روان کال زمري میاشتې په ۱۵ نیټه د ټاکل شویو کمیټو له لوري د څارنې کمیتې چې د دولتي او نړیوالو بنسټونو له واکمنو استازو څخه جوړه شوې تر څارنې لاندې، واخیستل شي، راپور وړاندې کړ او د پوښتنو د ترتیب پر کړنلارې او میکانیزمونو په اړه یې رڼا واچوله.

عالي شورا د موضوع تر هر اړخیزه ارزونې وروسته، د ازموینې په پروسه کې د روڼتیا او د لا ښه عملي انتظاماتو د ترسره کیدو په موخه، د ازموینې له بهیر څخه د ازموینې د طرزالعمل په پام کې نیولو سره د فلمبردارۍ په ترسره کیدو هم ټینګار وکړ.

وروسته د نظامي محاکمو شپږو تنو قاضیانو چې د ملي دفاع وزارت په غوښتنه، د سترې محکمې په وړاندیز او د جمهوري ریاست د عالي مقام په حکم د قضا په مسلک منسلک شوي وو، د سترې محکمې د عالي شورا په مخ کې، د لوړې مراسم په داسې حال کې ترسره کړل چې د تحلیف متن د سترې محکمې د رییس او قاضي القضات له لوري ورته تلقین کیده.

ورپسې د سترې محکمې عالي شورا د هیواد د محاکمو د محصول قانون، د اوومې مادې په تطبیقي اړخونو چې د سترې محکمې حساب ته د محصول د ډاډمن جمع کیدو او تحویل کیدو په اړه ده، بحث وکړ او د قضایه قوې عمومي اداري آمریت ته یې د هیواد له بانکي او مالي اداراتو سره په همغږۍ د مطلوبه اسانچاري کړنلارې پر جوړیدو ټینګار وکړ.

په همدې توګه د کابل ښار د دویمې او دریمې ابتدایه محکمو د شخصیه احوالو، تجارتي او عامه امنیت د دیوانونو حوزوي واکونه، چې له اړتیاوو سره سم د قضایه قوې په سږني تشکیل کې ایجاد شوي وو، مشخص کړل شول او یادو محکمو ته د هغو د تعمیم په اړه لارښونه وشوه.

د غونډې په دوام کې، د لویه څارنوالۍ او کابل او ننګرهار ولایتونو د استیناف محاکمو له لوري رارسیدلي استهداات، چې د جمهوري ریاست د مجازاتو د عفوه او تخفیف د فرمانونو په اړه د ګڼ شمیر جرایمو ترسره کوونکې محکوم د استفادې د څرنګوالي، او په مطروحه قانوني ملاحظاتو سربیره د یوې شرعي قوالې د اجرا او د عدم اثبات د یوې پریکړې د محصول د استرداد او عدم استرداد په اړه بحث ترسره او په هر مورد کې د نافذه قوانینو په رڼا کې لارښوونې ترسره شوې.

په غونډه کې دغه شان په مدني او جزايي قضیو کې یو شمیر د تبدیلۍ غوښتنې تر غور لاندې ونیول شوې او لازم تصامیم يې په اړه ونیول شول او دغه شان د لویه څارنوالۍ پر غوښتنه، د ۳۶ ټوکه جزایي دوسیو د قضايي رسیده‌ګۍ واک د کابل، کاپیسا، اروزګان، کندوز او پکتیکا استیناف محکمو ته تفویض کړل شو.

Latest news

Mon, Jun 14 2021 11:24 AM
Background image

The Fight Against Drugs (Narcotics and Intoxicants)

Judicial Performance Report of the Primary Court of the Counter-Narcotics Justice Center.1. Report
The Primary Court of the Counter-Narcotics Justice Center heard a total of 98 cases. . .

Mon, Jun 14 2021 11:15 AM
Background image

The Fight Against Corruption

Judicial Performance Report of the Anti-Corruption Primary Court
1. Report
The Anti-Corruption Primary Court heard a total of 18 criminal cases related to corruption from January 20 to. . .

Mon, Jun 14 2021 11:09 AM
Background image

The Acting General Administrative Director of the Judiciary Meets the IDLO’s Director of Programs

Justice Jawed Rashidi, the Acting General Administrative Director of the Judiciary met with Ms. Mangala, the IDLO’s Director of Programs, on February 11, 2021. In this meeting, at first. . .

BACK TO NEWS