د کونړ د مرافعه محکمې رئيس په مشرۍ د همغږۍ غونډه وشوه
د کونړ ولايت د مرافعه محکمې رئيس محترم الحاج مولوي عزیزالرحمن (حقاني) په مشرۍ په ۱۹/ ۱/ ۱۴۴۶هـ ق نېټه د حقوقو آمريت او د ولسواليو د ابتدائيه محاکمو د حقوقو مديریتونو له مسؤولينو سره د چارو د چټکتيا او ښې همغږۍ په موخه غونډه وشوه.
غونډه د قرآن عظیم الشان د څو مبارکو آیاتونو په تلاوت پيل شوه؛ ورپسې د مرافعه محکمې رئيس د غونډې ګډونوالو ته ښه راغلاست ووایه، د غونډې په ارزښت يې تفصيلي خبرې وکړې وويل، اسلامي نظام کې محاکم د عدالت تأمینوونکي بلل کېږي، د دغه نظام موخه د ظلم مخنیوی او د مظلوم څخه دفاع ده.
دغه راز د مرافعه محکمې رئيس زیاته کړه، د موضوعاتو په تطبیق کې باید ډېر جدي وو، موضوعات باید په خپل وخت پرته له ځنډ څخه حل او فصل شي او د اجراآتو په تړاو یې راپور ورکړل شي.
د مرافعه محکمې رئيس له مراجعينو سره په ښه سلوک، حاضرۍ ته په پابندۍ او دوسيو باندې په خپل وخت او غور سره اجراآتو کولو باندې ټينګار وکړ.
د غونډې په وروستيو کې راغلو مسؤولینو خپل نظرونه او وړانديزونه د مرافعه محکمې له رئيس سره شريک کړل او د يادو مسايلو د حل ډاډ ورکړل شو.
غونډه د مرافعه محکمې رئیس په دعاء پای ته ورسېده.
