محترم سيد عمر د پکتيکا ولايت د قضاتو قطعې د نوي قوماندان په توګه معرفي شو
په ۲۷/ ۱۲/ ۱۴۴۵ هـ ق نېټه د پکتیکا ولایت د قضاتو قطعې لپاره نوی ټاکل شوی قوماندان محترم سید عمر د یوې غونډې په ترڅ کې د یاد ولایت د قضاتو او امنیتي قطعې منسوبينو ته ور وپېژندل شو.
ياده غونډه د پکتيکا د مرافعه محکمې د رئیس محترم مولوي محبوب الرحمن (نقشبندي) په مشرۍ جوړه شوې وه او د مرافعه محکمې د قضاتو او امنیتي قطعې منسوبینو په کې ګډون درلود.
غونډه د مدني او عامه حقوقو دېوان د رئیس مولوي عبدالله (فیاض) په وینا پیل شوه؛ نوموړي په خپله عالمانه وینا کې د قضاتو قطعې د مخکني قوماندان افتخار احمد ستاینه وکړه، نوي قوماندان ته یې د ښه راغلاست تر څنګ په کارونو کې د بریالیتوب دعا وکړه.
د غونډې په دوام د پکتیکا د مرافعه محکمې رئيس عالمانه وینا وکړه او د حاکم او مسؤول صفات يې بیان کړل، د پخواني قوماندان ستاینه يې وکړه او نوي قوماندان ته یې د ښه راغلاست تر څنګ خپلو کارونو ته د متوجې کېدو په اړه لازمې لارښوونې وکړې او د یادې قطعې منسوبینو ته یې هدایت وکړ چې د خپل قوماندان اطاعت وکړي.
غونډه د مرافعه محکمې د رئيس په دعا پای ته ورسېده.
