د اروزګان ولایت د مرافعه محکمې رئیس د یاد ولایت له عمومي زندان څخه لیدنه وکړه
په ۲ /۳ /۱۴۴۵ هـ ق نېټه د ارزګان ولایت د مرافعه محکمې عمومي رئیس د دغه ولایت د ښاري ابتدائیه محکمې د جزا دېوان د رئیس مولوي کلیم الله صاحب او د یادې محکمې د عامه امنیت دېوان د رئیس مولوي احمدشاه صاحب په ملتیا د ارزګان ولایت له عمومي محبس څخه لیدنه وکړه.
د ارزګان ولایت د مرافعه محکمې عمومي رئیس د دغه لیدنې پر مهال د محبس مسؤولینو ته هدایت وکړ چې له بندیانو سره باید ښه سلوک او ښه برخورد وکړي، کوم بندي چې مشکل ولري نو مربوطه مسؤولین یې باید پر ټاکلي وخت مشکل ورحل کړي.
محترم شیخ سخیداد (ابوالتقي) ټولو بندیانو ته توصیه وکړه چې په محبس کې باید ښه چلند وکړي، جنګ او جګړه ونه کړي او په خپل منځ کې باید د اصولو مطابق ژوند وکړي.
دغه راز نوموړي ټولو بندیانو ته ډاډ ورکړ چې ان شاءالله دوسیې به یې تر نورو دوسیو مخته کوي او ستاسې مشکلات به د شریعت په رڼا کې حل کیږي.
د یادونې وړ ده چې زندانیان د مرافعه محکمې د رئیس په مشرۍ له ورغلي پلاوي مننه وکړه او خوښي یې څرګنده کړه چې د دوی مشکلات له نږدې اوري.