د پکتیا ولایت ښاري ابتدائیه محکمې د رئيس په مشرۍ اداري غونډه وشوه
د پکتیا ولایت د ښاري ابتدائیه محکمې رئیس، الحاج مولوي محمد رحیم (نعماني)، په مشرۍ، په ۱۳/۳/۱۴۴۸هـ ق نېټه، د یادې محکمې د قضائي غړو او اداري کارکوونکو په ګډون، قضائي او اداري غونډه وشوه.
غونډه د قرآنکريم د څو مبارکو آیاتونو په تلاوت سره پیل شوه؛ ورپسې د ابتدائیه محکمې رئیس لهخوا علمي او هر اړخیزه وینا وشوه.
د ابتدائیه محکمې رئيس د حاضرۍ په پابندۍ، پر ټاکلي وخت دندې ته د حاضرېدو، د رسمي کاري وختونو مراعات او د کاري نظم پر ساتلو ټينګار وکړ، زیاته يې کړه، ټول کارکوونکي باید د سترې محکمې عالي مقام متحدالمآلونه مطالعه او د هغې مطابق خپل کارونه ترسره کړي.
دغه راز نوموړي ټولو کارکوونکو ته هدایت وکړ، چې د عالیقدر امیرالمؤمنین (حفظهاللهتعالی) د فرمان مطابق خپل صورت او سیرت برابر کړئ، د محکمې اړوند چارې په امانتدارۍ، صداقت او د نافذه اصولو او مقرراتو مطابق ترسره کړئ، د قضائي او اداري چارو د ځنډ د مخنیوي او د مراجعینو ستونزو د حل لپاره لازمې هڅې وکړئ.
د غونډې په پای کې د کارونو د لا بهبود په موخه ګډونوالو خپل نظرونه او مشورې شريکې کړې.
غونډه د خیر په دعاء سره پای ته ورسېده.
