د سترې محکمې عالي مقام د تحریراتو ریاست د ۱۴۴۷هـ ق کال د څلورمې ربعې لنډ راپور
د سترې محکمې عالي مقام د تحریراتو ریاست د ۱۴۴۷هـ ق کال په څلورمه ربعه کې لاندې مهم فعاليتونه ترسره کړي دي:
۱ـ د مراجعينو (۳۳۳۰) عريضې یاد ریاست ته راغلې؛ د عالي مقام څخه له هدایت وروسته بېرته خپلو صاحبانو ته سپارل شوې دي.
۲ـ (۹۸) فرمانونه، حکمونو او مصوبات چې د عالیقدر امیرالمؤمنین (حفظه الله تعالی)، د ریاست الوزراء عالي مقام او د اسلامي امارت د مقام د دفتر له لوري صادر شوي، د سترې محکمې عالي مقام تر هدایت وروسته اړونده مراجعو ته د وروستیو اجراآتو په موخه لېږل شوي دي.
۳ـ د وزارتونو، امارتي ادارو، کمېسیونونو، د ملک (۳۴) ولایتونو محاکمو او نورو اړونده ادارو څخه (۱۸۵۶) مکتوبونه او وړانديزونه د سترې محکمې په عنوان راغلې؛ چې د سترې محکمې عالي مقام تر لارښوونې وروسته اړونده مراجعو ته د وروستیو کړنو په موخه لېږل شوي.
۴ـ د سترې محکمې (۵) وړانديزونه، د ریاست الوزراء عالي مقام ته د منظورۍ په موخه لېږل شوي دي.
۵ـ د ریاستالوزراء عالي مقام، د فرمانونو او حکمونو د تعقیب او نظارت لوي ریاست، وزارتونو، سازمانونو، شرکتونو، امارتي او غیر امارتي بانکونو او د سترې محکمې مرکزي ریاستونو له خوا (۷۸۳) مکتوبونه، د استهداء څانګې دوسیې، د تجدید نظر غوښتنې، د صلاحیت تفویض، د محکمې د تبدیلۍ او د ملک د بېلابېلو محاکمو د هدایت غوښتنې اړونده اسناد ترلاسه شوي او د عالي مقام د هدایت له مخې اړوندو ادارو ته د اجراآتو لپاره سپارل شوي دي.
۶ـ د مخابراتو وزارت څخه (۱۰۹۶) مکتوبونه راغلي او اړونده برخو ته توزېع شوي دي.
۷ـ د ملک د ټولو ولایتونو له مرافعه محاکمو څخه (۹۱) مکتوبونه د سترې محکمې د مخزن عمومي مدیریت ته راغلي، چې له جملې يې (۸۶) مکتوبونه د قبالو او وثایقو د معلوماتو په اړه وه، چې اړوندو مراجعو ته په خپل وخت معلومات ورکړل شوي، (۵) مکتوبونه چې ورسره (۴۲) جلده کتابونه د ۱۴۰۰هـ ش کال څخه تر ۱۴۰۵هـ ش د وثایقو کلني راپورونه شامل وو، د حفظ لپاره مخزن ته تسلیم او ځای پر ځای شوي او (۱۴) بوجۍ د اداري معاونیت د ۱۴۴۳هـ ق څخه تر ۱۴۴۵هـ ق کال پورې سوابق د حفظ لپاره را لېږلي او حفظ شوي دي.
۸ـ د بېلابېلو موضوعاتو په اړه د سترې محکمې د مرکزي ارشیف څانګې ته (۱۳۱۱۲) قطعې مکتوبونه صادر او وارد شوي دي.
۹ـ د وزاراتو ، امارتي ادارو ، کمېسیونونو، د ملک (۳۴) ولایتونو محاکمو اونورو اړونده ادارو څخه (۶۲۷) رسمي لیکونه د سترې محکمې په عنوان راغلي دي.
